Fréttir

Við munum á næstunni flytja inn og verða með ýmsar stærðir af rafhlöðuboxum (hulstrum) sem auðvelda ykkur að setja saman rafhlöður til notkunar í ýmis tæki. Þetta nýtist bæði fyrir venjulegar, alkaline og hleðslurafhlöður.

Um miðjan febrúar byrjaði hér nýr starfsmaður Símon Páll Jónsson en hann mun sjá um sölu og afgreiðslu á rafhlöðum til viðskiptavina okkar. Það mun taka einhvern tíma að þjálfa Símon Pál en hann starfar hér allan daginn og biðjum við viskiptavini okkar að hafa biðlund og skilning á. Úrval okkar af rafhlöðum, rafhlöðupökkum, hleðsutækjum, ljósum ofl. er talsvert og það tekur sinn tíma að kynna sér það og eins þarfir hvers og eins viðskiptavinar. Netfang Símons Páls er sala@rafborg.is

Það er eins og svo oft áður að GP Batteries koma með á markaðinn hleðslurafhlöður með aukinni orku og nú slá þeir fyrri met og koma með rafhlöður sem eru í sérflokki með orkugetu. Nú kemur á markaðinn 2700mAh hleðslurafhlaða í stærðinni AA eða P6 og eins 1000 mAh í stærðinni AAA eða P03. Þetta eru einu rafhlöðurnar sem eru á markaðnum af þessari orkugetu. Við erum með fyrir hleðslurafhlöður af P6 gerðinni með 2500 og 2600mAH og í stærðinni P03 900 og 950 mAh. Við erum ekki komin með þessar rafhlöður á lager en munum verða með þær eftir því sem eftirspurn kallar eftir.

Við erum að leita að starfskrafti sem taka á við af Dóru Mögdu sem hættir störfum um næstu mánaðarmót eftir 5 ára starf. Eftirfarandi auglýsingu birtum við í Morgunblaðinu um helgina.

Óskum viðskiptavinum og velunnurum öllum gleðilegra jóla og gæfuríks komandi árs með þökk fyrir samskipin á líðandi ári. Starfsfólk Rafborgar ehf

Við höfum endurbætt upplýsingar á heimasíðunni um hleðslutæki (sjá hér) en sala á hleðslutækjum og hleðslurafhlöðum hefur aukist allverulega. Vegna þess þá höfum við aukið úrvalið bæði af tækjum og rafhlöðum. Við bendum ykkur á upplýsingasíðuna yfir þær gerðir af tækjum sem við eigum á lager en jafnframt er möguleiki á að skoða úrval af tækjum m.a.frá GP Batteries hér. Sé þess óskað getum við pantað þær gerðir hleðslutækja sem hér eru sýndar. Eins getið þið skoðað úrval hleðslurafhlaðna hér. Helstu gerðir sem við erum með eru frá GP Batteries og Panasonic.  Rafborg ehf. Sundaborg 3 Sími 5622130 sala@rafborg.is

Við höfum undanfarið unnið að breytingum á heimasíðu okkar til þess að hægt sé að nýta hana betur bæði fyrir ykkur viðskiptavini okkar og okkur sjálf. Til þess að alltaf séu sem nýjastar upplýsingar inni á síðunni höfum við tekið það til bragðs að setja inn tengingar á síður birgja okkar og framleiðanda og en því fylgir að upplýsingar eru þá á erlendum tungumálum. Okkur þykir það leitt en hjá því er ekki komist þar sem nýjungar koma inn nánast á hverjum degi og vonlaust fyrir okkur að fylgjast með þeim öllum. Ávinningurinn er um leið að úrval eykst sem verður til þess að ef eftirspurn er næg þá kaupum við inn nýjar rafhlöður til að hafa á lager. Við erum svo að koma upp tilboðshorni þar sem við bjóðum ýmsar rafhlöður eða tæki og búnað á betra verði en venjulega.    Rafborg ehf. Sundaborg 3 Sími 5622130 sala@rafborg.is

Við erum komin með mjög fullkominn tölvubúnað sem gerir okkur kleyft að greina ástand rafhlaðna og eins afhlaða og endurhlaða. Þetta gefur möguleika á að kanna hvort rafhlöður séu gallaðar eða hvort sá búnaður sem þær eru notaðar við sé bilaður. Eins er hægt að reyna endurlífgun á rafhlöðum.